03 November 2014

The Legacy Your Children Shouldn't Have

There is a limit to lying but some people cross that also. Recently I came across to a Facebook user who is posting some sketches stating they are made by her 11 years old daughter.

The sketches were fantastic. Mostly sketching artists have their own style of sketching. It reflects in their every sketch. But the sketches I saw had three different styles. It look liked they are made by three different artists. I had a doubt that an 11 years old cannot have 3 different styles for sketching. So I googled the images and what I found was really surprising.

29 October 2014

बायकांवरचे विनोद

आज एक नवीन प्रकार पाहिला. एक बाईच बायकांवर जोक्स करतायंत. टिपिकल पुरूषी जोक... बायको हा प्राणी, बायकोची बडबड, बायको माहेर गेली हे सुदैव वगैरे वगैरे. असले विनोद करून आपण स्त्री म्हणून स्वत:चाच दर्जा कमी करून घेत आहोत, हे त्या बाईंना कळत नसेल का? की पुरूषांच्या नजरेत आपण एक आधुनिक स्त्री आहोत हे दिसण्याची ही केविलवाणी धडपड आहे?

साधारण दोन वर्षांपूर्वी असल्या जोक्सचं फेसबुकवर पिक आलं होतं. अजूनही असे विनोद वाचायला मिळतात पण प्रमाण फारच कमी झालं आहे. पण त्यावेळेस ते विनोद वाचून अक्षरश: उबग यायचा. मित्रयादीमधील बरेचसे पुरूष स्त्री जातीवर विनोद करायचे. मग त्याला इतर पुरूषांचा हास्यास्पद प्रतिसाद, समदु:खी आहोत वगैरेचं रडगाणं. काही बायकादेखील खिदळत प्रतिसाद द्यायच्या.

28 October 2014

रामायण: विचारमंथन भाग २

राम-रावण युद्धानंतर सीतेचा स्वीकार रामाने करण्यास नकार दिला व तिने अग्निपरीक्षा देऊन आपले पावित्र्य सिद्ध केले. या प्रसंगी - "जर माझ्या पावित्र्यावर विश्वास नव्हता तर रावणाच्या तावडीतून मला कशाला सोडवलेत", असा प्रश्न करणार्‍या सीतेला राम उत्तर देतो की "एखाद्या इच्छेविरूद्ध बळाचा वापर करून पळवून नेलेल्या स्त्रीची सुटका करणे हे माझे कर्तव्य आहे". हीच समज राम अग्निपरीक्षेच्या बाबतीत का दाखवत नाही? जर कुठल्याही पुरूषाने एका स्त्रीशी तिच्या इच्छेविरूद्ध किंवा बळाचा वापर करून शरिरसंबंध प्रस्थापित केले, तर दोष त्या स्त्रीला दिला जाऊ नये ही गोष्ट राम जाणत नसेल का?

रामायण: विचारमंथन भाग १

सीता. हे नाव उच्चारलं की आठवते ती रामाची पत्नी, एक पतिव्रता स्त्री, आपलं पावित्र्य सिद्ध करण्याकरता जिला वारंवार अग्निदिव्यातून जावं लागलं. जनकराजाची ही मानलेली मुलगी. तिचा जन्मच मुळी गूढ. जनकराजाला जमीन नांगरताना एक पेटीत सापडलेली ही मुलगी. कुणी म्हणतं की ती पद्माक्ष नावाच्या राजाची कन्या तर कुणी म्हणतं ती रावणाचीच कन्या. पण तिच्या कुंडलीतील अशुभ योगांमुळे रावणाने मंदोदरीला तिचा त्याग करण्यास सांगितलं. तिचे माता-पिता कुणीही असोत पण महाराजा जनक व महाराणी सुनयना यांनी सीतेला आपली मुलगी मानून तिचे पालन पोषण करतानाच तिच्यावर उत्तम असे संस्कार केले होते, याची प्रचिती आपल्याला रामायणातील अनेक प्रसंगांमधून येते. सीतेच्या शारिरीक बळाची कल्पना आपल्याला तिच्या आयुष्यातील केवळ एका प्रसंगातून दाखविण्यात आली आहे, याच प्रसंगामुळे जनकराजाला सीतेशी विवाह करण्यायोग्य वर मिळावा म्हणून एक पण ठेवावा लागला. जनकराजापाशी असलेलं शिवधनुष्य, जे केवळ उचलण्यासाठी शंभर माणसांचे बळ लागत असे, अशा जड शिवधनुष्याचा घोडा करून सीता आपल्या बालपणी खेळत असे. सीतेसारख्या सुकुमार वाटणा-या स्त्रीचे हे बाहूबल पाहूनच जनकराजाने तिला वीर्यशुल्का घोषित केले होते. अर्थात, सीतेला प्राप्त करण्यासाठी जो आपले बाहूबल सिद्ध करील, सीता त्यालाच वरील. यानंतरची रामाने प्रत्यंचा लावते वेळेस शिवधनुष्य मोडल्याची कथा तर सर्वांना माहितच आहे.

सू, सू, सू आ गया, मै क्या करू?

मुसळधार पावसामध्ये एक काकू हातात दोन पिशव्या घेऊन भिजत चालल्या होत्या. त्यांनी स्वत:हून "मला जरा तुझ्या छत्रीत घेतेस का दहा मिनिटं?" अशी विनंती केली. यात मी नाकारण्यासारखं काहीच नव्हतंच. रस्त्यावर कोणतंही वाहन थांबायला तयारच नव्हतं. त्यांचं घर आल्यावर त्यांनी मला "अच्छा" केलं. मी त्यांच्या घरचं टॉयलेट मला पाच मिनिटांसाठी वापरता येईल का, अशी विनंती केली. कारण मला आणखी बरंच पुढे चालत जायचं होतं. त्या काकूंनी माझी विनंती साफ धुडकावली. वर जाता-जाता म्हणाल्या, "हल्ली कुणाचा भरवसा देता येत नाही नं, काय करू गं. सॉरी हं."

10 August 2014

लायकी

ही गोष्ट मी नेमकी कुठे वाचली ते आठवत नाही पण आज उदाहरणादाखल सांगतेय.

एक आटपाट नगर असतं, त्या नगराचा राजा मोठा शूर आणि कर्तबगार असतो. प्रजेच्या सुखदु:खाची खबरबात घेण्यासाठी तो बर्‍याचदा वेष पालटून नगरातून फेरफटका मारत असे. असाच फेरफटका मारत असताना राजाला एक भिकारीण दिसते. ही भिकारीण नुसती तरूणच नाहीतर रूपवती असते.

सौंदर्यवती असूनदेखील त्या स्त्रीला भीक मागावी लागते, याचं राजाला फार दु:ख होतं. तो सरळ तिच्याशी लग्नच करतो. भिकारीण एका रात्रीत राणी बनते. राजाला एक सत्कृत्य केल्याचा मनापासून आनंद झालेला असतो. ऐश्वर्यात राहिल्यावर राणीचं मूळसौंदर्य आणखीनच उजळ होईल, राणी सुखाने नांदेल असा त्याला विश्वास असतो.

01 June 2014

आमचा पाहुणा खंडू

एखाद्या पक्ष्याने आमच्या घरात आश्रय घेण्याची ही पहिली वेळ नव्हे. बरेचदा कावळ्याच्या हल्ल्यापासून वाचण्याकरीता कबुतरांनी आमच्या बाल्कनीमधील स्टुलखाली आश्रय घेतला आहे. दोन वेळा कावळ्यांच्या तावडीतून कबुतराला आणि एकदा निराळ्याच जातीच्या पिवळ्या, तपकीरी रंगाच्या पक्ष्याला मी स्वत: वाचवलं आहे. पण ते तेवढ्यापुरतं होतं. अर्ध्या तासापेक्षा जास्त मुक्काम त्यांचा राहिला नाही आणि घरात जरी म्हटलं तरी प्रत्यक्षात त्यांचं आश्रय घेणं बाल्कनीपुरतंच मर्यादीत होतं.

हा खंडू देखील कावळ्यांच्या हल्ल्यामध्येच जखमी झाला होता पण तो काही स्वत: आमच्या घरी आश्रयाला आला नाही. भावाने त्याला कावळ्यांपासून वाचवलं आणि त्याचा फोटो फेसबुकवर अपलोड केला. काळजी वाटली म्हणून त्याला फोन करून याची चौकशी केली आणि दैवाने या खंडूची काळजी घेण्यासाठी आमचंच घर निवडून ठेवलं होतं, हे लक्षात आलं.

21 April 2014

मानसिक गुलामगिरी

माझा संगणक गेले कित्येक महिने मी आजारी अवस्थेत चालवला. तेव्हा संगणक सुरू करण्यासाठी वीजप्रवाहाचं बटण दाबलं की सी.पी.यू. चं ’पॉवर’ बटण दाबण्याआधीच आतील पंखे काही क्षण फिरायचे आणि थांबायचे. ते पंखे फिरण्याचे थांबल्याशिवाय मला पॉवर बटण दाबून संगणक सुरू करताच येत नसे.

14 April 2014

गझल माझी निराळी

काही वर्षांपूर्वीची गोष्ट आहे. मी ज्या गृहस्थांकडे टायपिंगची खाजगी कामं करून देत असे, त्यांनी एकदा मला विचारलं, "तुला म्युझिकची, गाण्यांची आवड आहे का गं?"

मी म्हटलं, "हो तर. खूपच आवड आहे."

"गझल वगैरे ऐकतेस का?" त्यांनी विचारलं.

08 April 2014

न्यायाच्या अपेक्षेत...

बलात्कार्‍याला शिक्षा काय व्हावी, याबद्दल माझं वैयक्तिक मत विचाराल तर मी म्हणेन की तो बलात्कारी समाजाचा गुन्हेगार नंतर होतो; आधी तो त्या स्त्रीचा गुन्हेगार असतो जिच्या आयुष्याची त्याने राख केलेली असते. अशा नराधमाला शिक्षा काय करायची हे विचारायचं असेल, तर ते त्या पिडीत स्त्रीला आधी विचारावं.
Advertisement


Books I read

Amerikechi C.I.A.
पर्व [Parva]
LOPAMUDRA
Asurved
Sathe Faycus
Nazi Bhasmasuracha Udyast
Mahanayak - A fictionalized biography of Netaji Subhas Chandra Bose
Hullabaloo in the Guava Orchard
The Magic Drum And Other Favourite Stories
Yash Tumachya Hatat
Baba Batesharnath
Panipat
Swami
Shriman Yogi
Mandir Shilpe
Mantra Shrimanticha
Avaghe Dharu Supanth
Women & The Weight Loss Tamasha
Majhi Janmathep
Amrutvel


Kanchan Karai's favorite books »